İsmayıllı təamlarından biri olan Basqal halvası öz xüsusiyyətinə görə digərlərindən fərqlənir. Bu haqda ShimalNews 13 fevral tarixində məlumat verir.
“Basqal halvası səməni halvasıdır. Bu səməni halvası Bakıda, Gəncədə, başqa bölgələrdə hazırlanan halvadan fərqlənir. Fərqi də odur ki, Basqal halvasına çox ədviyyatlar vurulur, bal və qozla hazırlanır. Qədim tarixi məkan olan Basqalda 150 ildən çoxdur ki, halvaçı sənətini bir-birinə irsən keçirərək yaşadırlar”, - deyə sənətşünas Talehə Abdullayeva bildirib.
Halvaçı Cahid: “Babam Basqalda tanınmış halvaçı olub. Bu sənəti 80 il yaşadıb. Sonra atam bu sənətlə məşğul olub. Mən atamdan bu sənətin sirlərini öyrənmişəm. Basqalda halvaçı sənətini yaşatmaqla fəxr edirəm. Basqal halvası çay süfrəsində bu gün də var. Bizim halvamız başqa halvalardan fərqlənir. Içinə razyana, darçın, hil, zəncəfil, qoz ləpəsi, bal vurulur”.
[video width="1920" height="1080" mp4="https://shimal.news/storage/photos/2024/02/Sequence-01_17.mp4"][/video]
