İsmayıllı rayonunda “Dayanıqlı fermer fəaliyyəti üçün aqrar sığorta” mövzusunda regional tədbir baş tutub. Bu haqda ShimalNews 27 sentyabr tarixində Dünya TV-yə istinadən məlumat verir.
Aqrar Sığorta Fondunun idarə heyətinin sədri Fuad Sadıqov fermerlərlə görüşüb və sonra vətəndaş qəbulunu keçirib. Onlar əkin subsidiyalarının ödənilməsi, sığorta haqlarının hesablanması və ödənişi məsələlərini səsləndiriblər.
“Ölkədə artıq 3-cü ildir ki, dövlət dəstəkli Aqrar Sığorta xidmətləri bizim fermerlərimizə, sahibkarlarımıza verilir. Bu istiqamətdə dövlət tərəfindən bilirsiz ki, sığorta haqlarının 50%-i fermerlərimizin əvəzinə ödənilir ki, onlar fəaliyyətlərini daha dayanıqlı həyata keçirə bilsinlər. Artıq Aqrar Sığorta Fondu tərəfindən təminat altında sığortalanmış ərazilər 400 min hektar ərazini üstələyib. Bu, o deməkdir ki, ölkədə əkinə yararlı ərazilərin 25%-i artıq tərəfimizdən sığortalanıbdır. Bu il də kifayət qədər havaların qeyri-sabit keçməsi nəticəsində sığortalanmış 400 min hektarın hardasa 120-130 min hektarına tam və yaxud qismən ziyan dəymişdir. Ziyan ekspertlər tərəfindən qiymətləndirilibdir və artıq biçin mövsümü tamamlandığından biz də zərərin tənzimlənməsinə başlayırıq”, - deyə Fuad Sadıqov bildirib.
[video width="1920" height="1080" mp4="https://shimal.news/storage/photos/2023/09/16.mp4"][/video]
