İsmayıllı rayonunda işsiz və işaxtaranlar üçün əmək yarmarkası təşkil olunub. Bu haqda ShimalNews 7 oktyabr tarixində Rayon İcra Hakimiyyətinə istinadən məlumat verir.
Tədbir İsmayıllı Dövlət Peşə Tədris Mərkəzində keçirilib. Burada işaxtaranlara 10 müəssisə 45 vakant iş yeri təklif edib. İş üçün müraciət edən şəxslərin CV-ləri qəbul edilib, özünüməşğulluq proqramından yararlanmaq istəyən vətəndaşların qeydiyyatı aparılıb. Mərasimdə RİH-nin məsul şəxsləri, rayonda fəaliyyət göstərən idarə, müəssisə və təşkilat rəhbərləri, ictimaiyyət nümayəndələri iştirak ediblər.
Əmək yarmarkası Dövlət Məşğulluq Agentliyinin Dağlıq-Şirvan Regional Məşğulluq filialı tərəfindən təşkil edilib.
