İsmayıllıda bayram tədbirində yeni ailə qurmuş cütlüyə nikah şəhadətnaməsi təqdim edilib. Bu haqda ShimalNews 15 may tarixində məlumat verir.
15 May - Beynəlxalq Ailə Günü münasibətilə İsmayıllı Rayon İcra Hakimiyyətinin, Ailə, Qadın və Uşaq Problemləri üzrə Dövlət Komitəsi Uşaq və Ailələrə Dəstək Mərkəzinin və Təhsil Sektorunun birgə təşkilatçılığı ilə tədbir həyata keçirilib. Burada RİH-nin müavini Sevil Əhmədova, uzunömürlü və nümunəvi ailələrin nümayəndələri, rayon ağsaqqalları, şəhid ailələri və yenicə ailə həyatı qurmuş gənclər iştirak ediblər.
Çay süfrəsi ətrafında rayon Mədəniyyət Mərkəzinin hazırladığı rəngarəng müsiqi nömrələri dinlənilib, yeni ailə qurmuş cütlüyə nikah şəhadətnaməsi təqdim edilib və sonda xatirə fotosu çəkilib.
