İsmayıllıda xarici ölkələrin rəsmilərinin iştirakı ilə ağacəkmə aksiyası keçirilib. Bu barədə ShimalNews 20 iyul tarixində “Kanal S”ə istinadən xəbər verir.
Tədbir ümummilli lider Heydər Əliyevin 100 illiyi münasibətilə təşkil edilib. Burada Azərbaycanda olan səfirlər, Beynəlxalq Türk Mədəniyyəti və İrsi Fondunun rəhbərliyi, diplomatlar və iş adamları iştirak ediblər. Aksiya çərçivəsində 100.000 sidr ağacı əkilib.
“Hara gedirəmsə, oradan ağaclar gətirirəm Azərbaycana. Bu ağacları isə Altaydan, qədim türk torpaqlarından gətirmişəm. Kedr ağaclarıdır. Onlar çox balaca olanda əkilir, amma Allah qoysa, böyüyəndə 50-100 metr arasında boyları olur. Böyük park olacaq burada, gələn adamlar istirahət eləyib, dincələcəklər burada”, - deyə yerli sahibkar Məzahir Həsənov bildirib.
[video width="1920" height="1080" mp4="https://shimal.news/storage/photos/2023/07/Shimal-.mp4"][/video]
