Bu gün İsmayıllı rayonunda təmizlik aksiyası keçirilib. Bu barədə ShimalNews 22 iyul tarixində RİH-yə istinadən məlumat verir.
Tədbir ETSN və RİH tərəfindən rayonun Sumağallı kəndində təşkil olunub. Burada İsmayıllı Rayon İcra Hakimiyyətinin, 6 saylı Regional Ekologiya və Təbii Sərvətlər İdarəsinin, Şamaxı Regional Meşə Təsərrüfatı Mərkəzinin Şahdağ Milli Parkının, İsmayıllı regional Hidrometeorologiya müəssisəsinin və Tircan Bələdiyyəsinin əməkdaşları, o cümlədən İsmayıllı gəncləri fəal iştirak ediblər.
ETSN hər bir kəsi təmizliyə riayət etməyə, tullantıların düzgün idarə edilməsinə və ekoloji vəziyyətin yaxşılaşdırılmasında ictimaiyyətin rolunun artırılmasına çağırıb.
