İsmayıllı rayonunda narkotik vasitələrin və psixotrop maddələrin satışı ilə məşğul olan şəxs tutulub. Bu haqda ShimalNews 10 oktyabr tarixində Daxili İşlər Nazirliyinə istinadən məlumat verir.
RPŞ-nin əməkdaşları tərəfindən keçirilən əməliyyat zamanı şəhər sakini Tural Mahmudov saxlanılıb. Şəxsi axtarış zamanı ondan bükümlərdə heroin, tiryək, qurudulmuş marixuana, eləcə də preqabalin və metadon həbləri aşkar edilərək götürülüb.
Araşdırma zamanı Mahmudovun həmin vasitələri satış məqsədilə üzərində gəzdirdiyi müəyyən edilib. Faktla bağlı cinayət işi başlanılıb.
