İsmayıllı rayonunda “Ailəm könüllüləri” proqramı çərçivəsində könüllü qəbuluna start verilib. Bu barədə ShimalNews 10 oktyabr tarixində məlumat verir.
Layihə Ailə, Qadın və Uşaq Problemləri üzrə Dövlət Komitəsi tərəfindən təşkil olunub. Proqram 3 ay ərzində həftədə 2 dəfə 6 saat olmaqla davam edəcək. Könüllülük fəaliyyətini uğurla başa vuranlar Komitə tərəfindən sertifikatla təltif olunacaqlar.
Namizədlər üçün tələblər:
− 16-29 yaşlı;
− Ali təhsilli (hazırda təhsilini davam edənlər də daxil olmaqla);
− İntizamlı;
− Təşkilatçılıq bacarığı olan;
− Kollektivdə işləmək bacarığına sahib;
− Operativ;
− Kompüter bilikləri olan;
− Təşəbbüskar.
Qeydiyyat üçün oktyabrın 17-dək linkə daxil olmaq lazımdır.
Əlaqə: +99451 230 45 78
E-poçt: [email protected]
Proqramın məqsədi gənclərin potensialından daha səmərəli istifadə edərək, peşə vərdişləri aşılamaq, yaradıcı və innovativ potensialın üzə çıxarılmasını dəstəkləmək və ölkədə könüllülük hərəkatının inkişafına töhfə verməkdir.
