İsmayıllıda yerli sahibkarlara yardım edilib. Bu haqda 4 iyul tarixində ShimalNews “UNDP Azerbaijan”a istinadən məlumat verir.
Köməklik “Azərbaycanda dayanıqlı turizmə dəstək” layihəsi çərçivəsində təşkil edilib. Regional turizm imkanlarının yaxşılaşdırılmasına yönəlmiş tədbir kiçik və orta sahibkarlara öz bizneslərini inkişaf etdirməklərinə dəstək üçündür.
Tarixi kənd olan Basqalda baş tutan görüşdə yerli turizm sektoruna müsbət təsir göstərəcək turizm infrastrukturunun inkişafına dair müxtəlif təşəbbüslər müzakirə edilib. Məqsəd sahibkarların yerli və xarici qonaqlara yüksək keyfiyyətlə xidmət göstərmələridir.
