Qubada ölkədə ikinci dəfə keçirilən Peşələr Festivalı baş tutub. Bu haqda ShimalNews 28 oktyabr tarixində məlumat verir.
“Peşəni peşəkardan soruş!” devizi ilə təşkil olunan festival 10 rayon və şəhərdə baş tutacaq. Festivalda əmək və əhalinin sosial müdafiəsi nazirinin müavini Anar Əliyev, Quba Rayon İcra Hakimiyyəti başçısının birinci müavini Tariyel İbrahimov, dövlət və özəl qurumların nümayəndələri, yerli ekspertlər, işəgötürənlər, tələbə və gənclər iştirak ediblər.
Festival çərçivəsində robototexnika, proqram tərtibatçısı, data analitika, aşpaz, barista, aqronom, bərbər, mobil telefonların təmiri ustası, elektrik avadanlıqlarının təmiri, yardım masası, dizayner, qrafik dizayner, geyim üzrə dizayner, fotoqraf/videoqraf peşələri üzrə peşəkar ekspertlər tərəfindən təqdimat və vörkşoplar keçirilib. Konsertdə tanınmış müğənni Ayaz Babayev sevilən mahnılarını ifa edib.
Tədbirlə əlaqədar Heydər Əliyev prospektinin bir hissəsi bağlıdır.
Növbəti festival oktyabrın 30-da İsmayıllı rayonunda keçiriləcək.
[video width="848" height="480" mp4="https://shimal.news/storage/photos/2023/10/logo-video.mp4"][/video]
