İsmayıllı şəhərində baş verən yanğının təfərrüatları açıqlanıb. Bu haqda ShimalNews 25 iyul tarixində Report-a istinadən məlumat verir.
Hadisə nəticəsində 61 yaşlı Eldəniz Əkbərova məxsus ümumi sahəsi 200 kv.m olan 4 otaqlı ev tamamilə yanıb, 36 yaşlı Aqşin Əkbərova məxsus ümumi sahəsi 200 kv.m olan 4 otaqlı ev və içərisindəki əşyalar, eləcə də evə bitişik 30 kv.m mağaza, 80 kv.m anbar və içərisindəki məişət əşyaları və elektrik avadanlıqları, qonşuluqdakı mağazanın tavanı yanıb. Yanğın zamanı xəsarət alan olmayıb.
Yanğına zirzəmidəki qaz balonunun partlaması səbəb olub.
Hazırda yanğınsöndürənlər ərazidədir, alovun tamamilə məhdudlaşdırılması işləri görülür.
Araşdırma aparılır.
