İsmayıllı Rayon Mərkəzi Xəstəxanasının Təcili və Təxirəsalınmaz Tibbi Yardım Stansiyasının işçiləri mükafatlandırılıblar. Bu haqda ShimalNews 17 may tarixində məlumat verir.
Yaranmış situasiyadan çıxış yolu kimi doğuş prosesini təcili tibbi yardım avtomobilində həyata keçirən iki fərqli təcili tibbi yardım briqadasının əməkdaşlarının göstərdikləri çevik, operativ və nümunəvi xidmətə görə TƏBİB-nin icraçı direktoru Vüqar Qurbanov tərəfindən mama-ginekoloq Afaq Mirzəyeva, mama İlahə Adgözəlova, feldşer Ramin Şıxaliyev və sürücü Gülağa Abdullayev təltif ediliblər.
Qeyd edək ki, mayın 15-də İsmayıllıda yaranmış əlverişsiz hava şəraitinə görə yolda qalan hamilə qadına kömək etməklə doğuş prosesi təcili tibbi yardım avtomobilində gerçəkləşdirilib. Doğuş prosesi uğurla başa çatıb.
[caption id="attachment_60553" align="alignnone" width="640"]
Foto İsmayıllı Rayon Mərkəzi Xəstəxanası[/caption]
