İsmayıllının icra başçısı Nahid Bağırov Lahıc qəsəbəsində və Cülyan kəndində olub. Bu barədə ShimalNews 4 iyul tarixində RİH-yə istinadən məlumat verir.
Ötən ay intensiv yağıntılar nəticəsində rayonun dağlıq ərazilərində yerləşən bəzi kəndlərə zərər dəyib. Sakinlərlə görüşən RİH başçısı dəymiş ziyan və yaranmış vəziyyət barəsində onlarla müzakirələr aparıb.
Yolun hərəkət hissəsinə tökülən qaya parçaları nəqliyyatın hərəkətində məhdudiyyət yaradıb. Sel Cülyan kəndinin içməli su xəttini yararsız vəziyyətə salıb. Hazırda onun təmir edilməsi istiqamətində təxirəsalınmaz işlər görülür.
