İsmayıllıda qadınlara həsr olunan tədbir baş tutub. Bu barədə ShimalNews 5 oktyabr tarixində İcra Hakimiyyətinə istinadən məlumat verir.
Heydər Əliyev Mərkəzində ulu öndərin 100 illik yubileyinə həsr edilmiş Azərbaycan Qadınlarının VI qurultayının yerli toplantısı keçirilib. Burada RİH-nin əməkdaşları, təhsil, səhiyyə, mədəniyyət sahəsində çalışan, müxtəlif sahibkarlıq fəaliyyəti ilə məşğul olan və rayonun ictimai-siyasi həyatında fəallığı ilə seçilən xanımlar iştirak ediblər.
Açılışda giriş sözü ilə RİH başçısının müavini Sevil Əhmədova ilk dəfə 1921-ci ildə keçirilən Azərbaycan Qadınlarının qurultayının əhəmiyyətindən danışıb.
Daha sonra rayonlarda yaşayan qadınların üzləşdiyi problemlər müzakirə olunub. Erkən nikahlar və onların yol açdığı fəsadlar, boşanmalar, ailədaxili məişət zorakılığı hallarının baş verməsi, təhsil imkanları və digər məsələlər əsas mövzu olub. İştirakçıların sözügedən halların aradan qaldırılması istiqamətində təqdim etdikləri rəy və təkilfləri dinlənilib.
Həmçinin 19 oktyabr tarixində Bakı şəhərində keçiriləcək eyni tədbirdə iştirak edəcək nümayəndə toplantı iştirakçılarına təqdim edilib.
