İsmayıllı rayonunda növbəti əmək yarmarkası təşkil edilib. Bu haqda ShimalNews 10 oktyabr tarixində Dövlət Məşğulluq Agentliyinə (DMA) istinadən məlumat verir.
Dağlıq Şirvan Regional Məşğulluq filialı tərəfindən keçirilən tədbirdə 9 müəssisə iştirak edib və 51 vakansiya təqdim edilib. İştirakçılara mövcud vakansiyalar barədə məlumat verilib.
İşsiz və işaxtaran şəxslərə Agentliyin aktiv məşğulluq istiqamətləri və müraciət qaydaları haqda izahatlar verilib. Təkliflərlə maraqlanan şəxslərlə ilkin sorğular həyata keçirilib.
