İsmayıllıda qida təhlükəsizliyinin təmin edilməsi istiqamətində tədbirlər keçirilib. Bu haqda ShimalNews 17 iyul tarixində Azərbaycan Respublikasının Qida Təhlükəsizliyi Agentliyinə (AQTA) istinadən xəbər verir.
Rayon üzrə ümumilikdə 4 ticarət obyektində nöqsanlar müəyyən olunub və qanunvericiliyin tələblərinə uyğun müvafiq tədbirlər görülüb.
Yoxlama nəticəsində nöqsanlar aşkar edilmiş müəssisələr aşağıdakılardır:
- Röyal Əliyeva məxsus marketdə və “Günəşli” marketində – obliqat qrupuna daxil olan işçilərin ilkin və dövri tibbi müayinədən keçməməsi və baytarlıq şəhadətnaməsi və ya arayışı olmayan heyvan mənşəli məhsulların qəbulu;
- Pərviz Şəfaqətova məxsus market və Urfan Mehtiyeva məxsus marketdə – qida təhlükəsizliyi qeydiyyatına dair çıxarışın olmaması, obliqat qrupuna daxil olan işçilərin ilkin və dövri tibbi müayinədən keçməməsi və baytarlıq şəhadətnaməsi və ya arayışı olmayan heyvan mənşəli məhsulların qəbulu.
