İsmayıllı şəhər məktəbi respublika üzrə ilk onluqda yer alıb. Bu haqda ShimalNews 20 iyul tarixində Dağlıq Şirvan Regional Təhsil İdarəsinə istinadən məlumat verir.
2 nömrəli tam orta məktəb ötən tədris ili üzrə Respublika Fənn Olimpiadasında qalib şagird sayına görə respublika üzrə məktəblər arasında ilk onluqda qərarlaşıb.
Cari ildə 4 (2 qızıl, 1 gümüş, 1 bürünc), ötən il isə 2 şagird (2 gümüş) fənn olimpiadalarında medal qazanıb. Bundan əlavə, adıçəkilən təhsil ocağı 2023-cü ildə "eTwinning Plus" layihəsi çərçivəsində beynəlxalq "eTwinning Məktəbi" mükafatına layiq görülüb.
