Xəzər dənizinin Xaçmaz rayonu akvatoriyasında yoxlamalar baş tutub. Bu barədə ShimalNews 7 may tarixində Ekologiya və Təbii Sərvətlər Nazirliyinə istinadən məlumat verir.
“Təmiz hövzələr” aksiyası çərçivəsində sintetik torların yığışdırılması həyata keçirilib. Xaçmaz, Siyəzən, Lənkəran, Astara rayonları, Bakı şəhərinin Sabunçu, Pirallahı və Xəzər rayonları akvatoriyasından, Kür və Araz çaylarından, Yenikənd, Şəmkir və Mingəçevir su anbarlarından ümumilikdə 21810 metr uzunluğunda 375 ədəd sintetik tor və istifadəsi qadağan olunmuş digər ov alətləri aşkar edilərək götürülüb.
Bu kimi tədbirlər davam etdiriləcək.
