Bələdiyyə seçkilərində ən yüksək seçici fəallığı Qubada qeydə alınıb.
Shimal.News xəbər verir ki, bu barədə Mərkəzi Seçki Komissiyası Katibliyinin İnformasiya Mərkəzinin rəhbəri Fərid Orucov açıqlama verib.
Son statistik məlumatlara əsasən, bələdiyyə seçkilərində ən yüksək seçici fəallığı 59 saylı Quba seçki dairəsində müşahidə olunub. Bu seçki dairəsində 49 min 795 seçicidən 19 min 172 nəfəri (38,50 faiz) səsvermədə iştirak edib.
Dünən saat 19:00-dək respublika üzrə 1.874.81 nəfər səs verib, seçici fəallığı 31,45 % olub və səsvermə başa çatıb. Bələdiyyə seçkilərində 118 seçki dairəsində 685 bələdiyyəyə 8.071 üzv seçiləcək. 16.092 namizədin adı seçki bülletenlərinə daxil edilib. Səs vermək hüququna malik 5 961.987 seçicinin adı siyahıya daxil edilib. Bələdiyyə seçkilərində MSK və dairə seçki komissiyalarında 70.625 müşahidəçi akkreditasiyadan keçib. 1000 seçki məntəqəsində veb-kameralar quraşdırılıb.
