Bu gün ABŞ və Kanada Buxara Yəhudiləri Konqresinin üzvlərindən ibarət nümayəndə heyəti Quba rayonuna səfər edib. Bu haqda ShimalNews 20 may tarixində məlumat verir.
Səfərdə Nyu-York Buxara Yəhudiləri İcma Mərkəzinin prezidenti, “Leon Diamonds” şirkətinin prezidenti Leon Nektalov, ABŞ və Kanadanın Buxara Yəhudiləri Konqresinin koordinatoru, “The Bukharian Times” qəzetinin baş redaktoru Rafael Nektal, “The Medical Support Supply” şirkətinin prezidenti, Özbəkistan Respublikası Səmərqənd vilayətinin başçısının investisiyalar üzrə müşaviri Ben Benjamini, “The Bukharian Times” qəzetinin ingilis bölməsinin redaktoru Erin Levi və prodüser, fotojurnalist, kinorejissor Ariel Rubinoff iştirak ediblər.
Səfər çərçivəsində qonaqlarla Quba Rayon İcra Hakimiyyətində Rayon İcra Hakimiyyətinin başçısı İlqar Mahmudovla görüşü keçirilib. Sonra dağ yəhudilərinin kompakt şəkildə məskunlaşdıqları Qırmızı Qəsəbə, buradakı sinaqoqlar, Dağ Yəhudilərinin Muzeyi, həmçinin Quba şəhərində “Soyqırımı memorial kompleksi” ilə tanışlıq olub. Ölkəmizdə, eləcə də rayonumuzdakı tolerant mühit məmnunluqla qarşılanıb.
