Boşanmaların təşəbbüskarının 70 faizi qadınlardır.
Apa.аz-ın məlumatına görə, bunu Milli Məclisin Ailə, qadın və uşaq məsələləri komitəsinin təşkil etdiyi “Konstitusiya və Suverenlik İli” çərçivəsində “Ailə, qadın və uşaq hüquqları – konstitusion hüquqların əsas prioriteti kimi” mövzusunda ictimai dinləmədə Ailə, Qadın və Uşaq Problemləri üzrə Dövlət Komitəsinin Hüquqi təminat şöbəsinin müdiri Taliyə İbrahimova deyib.
Taliyə İbrahimova bildirib ki, onlar xasiyyətlərin uyuşmamasını əsas gətirirlər: “Görünür ki, daha dərin səbəblər var. Ailə qanunvericiliyə ilə bağlı yeni dəyişikliklər paketini hazırlamışıq, yaxın zamanda Milli Məclisə təqdim olunacaq. Qızqaçırma halları da var. Adam oğurluğu cinayətlərinin böyük hissəsi qızqaçırma ilə bağlıdır”.
