Qubada Peşələr Festivalı keçiriləcək. Bu haqda ShimalNews 21 oktyabr tarixində Dövlət Məşğulluq Agentliyinə istinadən məlumat verir.
Ölkəmizdə ikinci dəfə təşkil olunan festival rayonumuzda 28 oktyabr tarixində start alacaq. “Peşəni peşəkardan soruş!” devizi altında keçiriləcək tədbirin əsas məqsədi düzgün peşə seçiminə dair məlumatlılığın artırılması, eləcə də iştirakçılarda peşələr barədə əyani təsəvvürlər yaratmaqdır.
Festival çərcivəsində robototexnika, proqram tərtibatçısı, data analitika, aşpaz, barista, aqronom, bərbər, mobil telefonların təmiri ustası, elektrik avadanlıqlarının təmiri, yardım masası, Uİ/UX dizayner, qrafik dizayner, geyim üzrə dizayner, fotoqraf/videoqraf peşələri üzrə peşəkar ekspertlər tərəfindən təqdimat və vorkşoplar keçiriləcək.
Tədbirdə iştirak ödənişsizdir.
