Qusarda təhsil və mədəniyyət işçiləri üçün maarifləndirici görüş təşkil edilib. Bu haqda ShimalNews 25 aprel tarixində məlumat verir.
“Sağlam gələcək naminə narkomaniyaya “YOX” deyək” adlı görüş şəhər Uşaq İncəsənət Məktəbində keçirilib. Tədbirdə Qusar rayon polis şöbəsinin əməkdaşı polis kapitanı Ramik Nəzərov və Qusar şəhər Uşaq Incəsənət Məktəbinin müəllim kollektivi, mədəniyyət işçiləri iştirak ediblər.
Polis kapitanı Ramik Nəzərov çıxışında narkomaniyaya qarşı mübarizənin təkcə dövlətin üzərinə düşən məsuliyyət deyil, bütövlükdə cəmiyyətin, hər bir vətəndaşın, ictimai qurum və təşkilatların, kütləvi informasiya vasitələrinin, həmçinin də mədəni-maarif müəssisələrinin üzərinə düşdüyünü vurğulayıb.
