Quba “ASAN xidmət” mərkəzində kiçik rəis heyəti vəzifələrinə qəbulla əlaqədar müsabiqə elan edilib. Bu barədə ShimalNews 2 may tarixində Daxili İşlər Nazirliyinə istinadən məlumat verir.
Müsabiqə qalibləri DİN-in kadrları tərkibinə daxil edilərək, onlara müvafiq xüsusi rütbə veriləcək. Həmin şəxslər qanunvericiliklə müəyyən olunmuş qaydada bütün imtiyazlardan istifadə hüququ alacaqlar.
Müraciət edənlər ali təhsil müəssisələrini bitirmiş, yaşı 25-dən 30-dək, boyu 160 sm-dən yuxarı olan, əvvəllər özü və yaxın qohumları məhkum olunmamış (ehtiyatsızlıqdan böyük ictimai təhlükə törətməyən cinayətlərə görə məhkum olunmuş yaxın qohumlar istisna olmaqla), "Azərbaycan Respublikasının daxili işlər orqanlarında xidmət keçmə haqqında Əsasnamə" ilə müəyyən edilmiş şərtlərə cavab verən, Quba rayonunda daimi qeydiyyatda olan və yaşayan Azərbaycan Respublikasının qadın cinsli vətəndaşları iştirak edə bilərlər. Əlavə məlumat üçün laqə telefonları:
şəhər: (012) 590-80-63, (012) 590-80-93 ;
daxili: 80-63, 80-93.
