Ölkə ərazisinin bəzi yerlərində yağıntılı və küləkli hava şəraiti müşahidə olunub.
Shimal.News xəbər verir ki, bu barədə Milli Hidrometeorologiya Xidməti məlumat yayıb.
Bildirilib ki, düşən yağıntının miqdarı Qəbələdə 14, Şamaxıda 12, Şabranda 11, İsmayıllıda 8, Altıağac, Şəkidə 4, Oğuzda 3, Xaçmazda 2, Balakəndə isə 1 mm-dək qeydə alınıb.
Dağlıq ərazilərdə isə qar yağıb, yağan qarın hündürlüyü Zaqatalada (Əlibəy) 22, Qusarda (Laza) 18, Qubada (Qrız) 17, Şahdağda 9, Qaxda (Sarıbaş) 6, Xınalıqda 4, Xaltanda 3 sm-dir.
Martın 24-də şimal-qərb küləyi əsib, küləyin sürəti Şabran və Xaltanda 16 m/s-dək güclənib. Dənizdə dalğanın hündürlüyü 3.2 metrə çatıb.
Qax, Balakən, Zaqatala, Şəki, Qəbələ, Şamaxı və Qrızda duman müşahidə olunub, görünüş məsafəsi 200 metrədək məhdudlaşıb.
Havanın minimal temperaturu dağlıq rayonlarda 8 dərəcəyədək şaxta qeydə alınıb.
