Vətən müharibəsi qazisi Polad Rzayev “Heydər zirvəsi”ni fəth edib. Bu haqda ShimalNews 8 may tarixində Report-a istinadən məlumat verir.
Bu fəthi iki ayağını itirmiş igidimiz şəhidlərimizin xatirəsinə həsr edib:
“Mən bütün qazi qardaşlarımızı öz ürəyimdə bura gətirmişəm və Heydər Əliyev zirvəsindən qazi qardaşlarımın adından Azərbaycan xalqına və eyni zamanda bütün dünyaya səslənirəm. Bizlər – Azərbaycanın igid oğulları bütün zirvələri fəth etmək üçün nəinki canımızdan, həyatımızdan belə keçməyə hazırıq. Bunun üçün cənab Ali Baş Komandanın bir əmri yetər. Yaşasın sərhədləri bütöv Azərbaycan! Yaşasın cənab Ali Baş Komandan!”.
Polad Rzayev Qubadlı, Cəbrayıl, Xocavəndin işğaldan azad olunmasına görə medallar, "Şücaətə görə" medalı, "Azərbaycan bayrağı" ordeni ilə təltif olunub. O, Cəbrayıla bayraq sancan XTQ-nin mənsubudur.
Polad həm də Birinci Qarabağ müharibəsində Şuşadan çıxmayaraq şəhid olmuş Tofiq Oğuzun oğludur.
[video width="1080" height="1080" mp4="https://shimal.news/storage/photos/2023/05/aaaa021.mp4"][/video]
