Bakı və Qəbələ şəhərləri 2025-ci ildə də hindistanlı turistlər üçün ən populyar istiqamətlər arasında yer alıb.
Shimal.News xəbər verir ki, onlayn bronlaşdırma platforması "Booking"in apardığı araşdırmalara görə, hindistanlı turistlərin 83 %-i daha sakit və unikal istiqamətlərdə səfərlər planlaşdırır.
Bu baxımdan dağlıq ərazidə yerləşən və təbiəti gözəl olan Qəbələ həm istirahət etmək istəyən, həm də macəra axtaran turistlər üçün ideal məkandır. Bakı isə qədim tarixə, zəngin mədəniyyətə və müasirliyə sahib olması ilə hindistanlı turistlərin diqqət mərkəzində olacaq.
Ümumilikdə bu şəhərlər turizm sahəsində mövqelərini daha da gücləndirərək, beynəlxalq səyyahlar üçün həm mədəni, həm də macəra dolu təcrübələr təqdim edir.
2024-cü ildə Azərbaycana 243 min 589 hindistanlı turist səfər edib.
