Xaçmaz rayon şəhidi Orxan Çobanovun məzarı onun mövlud günündə ziyarət edilib. Bu barədə ShimalNews 2 avqust tarixində Heydər Əliyev Mərkəzinə istinadən məlumat verir.
Mərkəzin əməkdaşları şəhid ailələri və qazilərlə birgə şəhidimizin məzarına baş çəkiblər. Orxanın Mərkəzin "Rəssamlıq" dərnəyinin üzvü tərəfindən çəkilmiş rəsmi şəhidin ev-muzeyinə təqdim edilib.
Gizir Çobanov Vətən müharibəsi zamanı Füzulinin azadlığı uğrunda gedən döyüşlərdə vuruşub. Orxan Çobanov sentyabrın 29-da Füzuli döyüşləri zamanı şəhid olub.
Orxan Çobanov ölümündən sonra "İgidliyə görə", "Vətən uğrunda" və "Füzulinin azad olunmasına görə" medalları ilə təltif edilib.
