Bu gün 44 günlük Vətən müharibəsinin yeganə qadın şəhidi Arəstə Baxışovanın şəhidlik zirvəsinə ucalmasının 3-cü ildönümüdür.
Arəstə Baxışova 1989-cu il mayın 4-də Xaçmaz şəhərində anadan olub. O, 1995-2004-cü illərdə Biləcəri qəsəbəsində yerləşən Şuşa şəhər 3 nömrəli tam orta məktəbində oxuyub. Arəstə 2004-2008-ci illərdə Azərbaycan Dövlət Pedaqoji Kollecində ingilis dili üzrə təhsil alıb. Daha sonra Baxışova tibbi kurs keçib, Beyləqandakı Hərbi hissədə işə başlayıb.
Vətən müharibəsinin başladığı gün o, könüllü cəbhəyə yollanıb. Arəstə Baxışova oktyabrın 23-də əsgərimizi atışma bölgəsindən çıxaran zaman aldığı güllə yarasından qəhrəmancasına həlak olub.
Arəstə ölümündən sonra “Vətən uğrunda” medalı və Beynəlxalq Qırmızı Xaç Komitəsi tərəfindən ingilis tibb bacısı şərəfinə təsis olunan “Florence Nightingale” medalı ilə təltif edilib.
Onun həyatında baş vermiş mühüm hadisələr barəsində məqaləmizdə tanış ola bilərsiniz.
