Kübra Yəhya qızı Fərəcova 16 may 1907-ci ildə Qubada anadan olub.
Fərəcova əvvəl ibtidai rus-tatar məktəbində, sonra isə birillik Tağıyev Qadın Gimnaziyasında təhsil alıb. Kübra xanım 1924-cü ildə Göyçaya köçüb. İki il burada və Ağdaş rayonunda müəllimlik edib. 1926-cı ildə Fərəcova Qazax rayonunda məskunlaşıb və orada uşaq bağçasında tərbiyəçilik edib.
Kübra xanım 1929-1933-cü illərdə indiki Azərbaycan Tibb Universitetində oxuyub. O, 1931-1979-cu illərdə Azərbaycan SSR Xalq Səhiyyə komissarının müavini, Azərbaycan SSR Səhiyyə naziri, Azərbaycan SSR Ali Soveti Rəyasət heyətinin katibi və başqa vəzifələrdə işləyib.
Kübra xanım həmin vaxt Kürdəmirdə olarkən, orada qız məktəbini təşkil edib və müəllim kimi çalışıb. O, bu məktəbə 50-yə qədər qız cəlb edib.
Kübra xanım SSRİ Ali Sovetinin və Azərbaycan SSR Ali Sovetinin deputatı olmuşdur. 1960-cı ildə Fərəcova Sovet pediatrı və Azərbaycan SSR-in Əməkdar həkimi adlarına layiq görülüb.
1950-1979-cu illərdə o, indiki Elmi-Tədqiqat Pediatriya İnstitutunun rəhbəri olub.
Kübra Fərəcova 1986-cı (digər mənbələrdə 1988) ildə Bakı şəhərində vəfat edib.
Bakı şəhərində yerləşən Elmi-Tədqiqat Pediatriya İnstitutu1992-ci ildən “Qırmızı Əmək Bayrağı” və “Şərəf nişanı” ordenləri ilə təflif olunmuş Kübra Fərəcovanın adını daşıyır.
