Azərbaycanın bəzi bölgələrində yanvarın 23-də gözlənilən küləkli hava şəraiti ilə bağlı sarı xəbərdarlıq verilib.
Shimal.News xəbər verir ki, bu barədə Milli Hidrometeorologiya Xidməti məlumat yayıb.
Bildirilib ki, Kəlbəcər, Laçın, Zəngilan, Xaçmaz, Xınalıq, Qusar, Neftçala, Şamaxı, Qobustanda sarı xəbərdarlığa uyğun olaraq fasilələrlə cənub-şərq küləyi əsəcək və küləyin sürəti 13.9-20.7 m/san təşkil edəcək.
Eyni zamanda Şabran, Siyəzən, Xızı, Altıağacda cənub-şərq küləyi əsəcək, küləyin sürəti 20.8-28.4 m/san təşkil edəcək ki, bu da narıncı xəbərdarlığa uyğun gəlir.
