Ölkə ərazisində yağıntılı hava şəraiti müşahidə olunub. Milli Hidrometeorologiya Xidməti oktyabrın 22-si saat 11:00-a olan məlumatı açıqlayıb.
Shimal.News məlumat verir ki, bəzi yerlərdə yağıntılar arabir leysan xarakterli olub. Şahdağ və Kəlbəcərin yüksək dağlıq ərazilərinə isə qar yağıb.
Yağıntılar Zaqatalada 14, Sarıbaşda (Qax) 10, Qəbələdə 6, Qubada 4, Oğuz, Şamaxı, Qusar, Şabran, Şəki, Xaçmaz, İsmayıllı və Xızıda 1 mm-dək qeydə alınıb.
Balakən, Şəki, Oğuz, Şamaxı, Xızı, Qusar və Qubada duman müşahidə olunub, görünüş məsafəsi 500 metrədək məhdudlaşıb.
