Balakəndə qeyri-leqal yollarla ölkə ərazisinə gətirilən külli miqdarda narkotik vasitənin satışının qarşısı alınıb.
Shimal.News xəbər verir ki, polis əməkdaşları əməliyyat həyata keçiriblər.
Nəticədə əvvəllər də narkotiklərin qanunsuz dövriyyəsi ilə məşğul olduğuna görə məhkum olunmuş 40 yaşlı Elnur Yekəyev saxlanılıb. Ondan 4 kq-dan artıq marixuana aşkarlanıb. Saxlanılan şəxs narkotiklərin bir hissəsini isə Günel adlı şəxsdən aldığını bildirib.
Davam etdirilən tədbirlərlə etdiyi qanunsuz əməllərə görə axtarışda olan Günel İbişovanın yeri polislər tərəfindən müəyyən olunub və həmin şəxs saxlanılıb. Onun yaşadığı ünvandan torpağa basdıraraq gizlətdiyi 2 kq 700 qr marixuana və 2412 ədəd metadon həbi aşkarlanıb.
G.İbişova narkotik vasitələri şəxsiyyəti istintaqla araşdırılan İran vətəndaşından əldə etdiyini bildirib.
Faktla bağlı cinayət işi başlanılıb, hər iki şəxs barəsində məhkəmənin qərarı ilə həbs qətimkan tədbiri seçilib.
