Ağcabədi kəndlərinin birində bələdiyyə üzvü seçilən şəxs Qəbələ şəhərində qalmaqala səbəb olub.
Qaynarinfo.аz-ın məlumatına görə, Elşad Məmmədov (şərti) Ağcəbədi kəndində bələdiyyə üzvü seçildiyi üçün iki dostuna Qəbələdə qonaqlıq verib.
Dostlar yeyib-içdikdən sonra 225 manat hesab gəlib. Elşad Məmmədov pulunun olmadığını əsas gətirərək hesabı bir neçə gün sonra ödəmək üçün restoran rəhbərliyindən vaxt istəyib. Lakin, restoran sahibi pulu tələb etdiyinə görə aralarında mübahisə yaranıb.
Bundan sonra Elşad Məmmədov dostları ilə birgə restorandan qaçıb.
Restoran sahibinin şikayəti əsasında isə saxlanılıb.
Ona İnzibati Xətalar Məcəlləsinin 510 maddəsi ilə protokol tərtib edilib və iş məhkəməyə göndərilib. Məhkəmədə məlum olub ki, Elşad Məmmədov dostları ilə birgə sərxoş olduğuna görə sözügedən hadisəni törədib.
O, məhkəmənin qərarı ilə 50 manat cərimə edilib.
