Sentyabrın 1-dən məktəbəqədər təhsil müəssisələrinə növbəyə yazılma prosesi müvəqqəti olaraq dayandırılır.
ShimalNews xəbər verir ki, bu barədə Məktəbəqədər və Ümumi Təhsil üzrə Dövlət Agentliyi (MÜTDA) məlumat yayıb. Buna səbəb 1-15 sentyabr tarixlərində qrupların komplektləşdirilməsidir.
Proses bitdikdən sonra uşaqların məktəbəqədər təhsil müəssisələrində boş yerlərə qəbulu 16 may 2025-ci ilədək davam edəcək. Qeydiyyat bq.edu.az elektron sistemi üzərindən həyata keçirilir.
