Qubada Afurca kəndinin yaxınlığında yerləşən eyni adla məşhur şəlalə buz bağlayıb.
Shimal.News məlumat verir ki, Afurca şəlaləsi Vəlvələ çayının sağ qolunda yerləşir. Onun hündürlüyü 60 metr təşkil edir.
200 milyondan çox yaşı olan bu şəlalə, təbii mənşəlidir və Yura dövrünə aiddir. Bunu çay yatağındakı əhəngdaşları sübut edir.
Yerli bələdçilər Afurca şəlaləsini vaxtilə rus şairi Mixail Lermontov və dekabrist (Rusiya imperiyasına qarşı qiyamın iştirakçısı,1825) Bestujev-Marlinskiynin ziyarət etdiklərini iddia edirlər.
Şəlalə 1986-cı ildə təsdiqlənmiş “Azərbaycanın Təbii Abidələri” nin ilk siyahısına daxil edilib. Fars dilindən tərcümədə “afurca”, su sıçrayışlarının düşdüyü yer deməkdir.
