Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov İsmayıllı rayonunda vətəndaşları qəbul edib. Bu haqda ShimalNews 21 iyul tarixində agentliyə istinadən məlumat verir.
Qəbulda İsmayıllı və Ağsu rayonlarından olan sakinlərin avtomobil yollarının təmir-bərpası və yenidən qurulması, işə qəbul və digər məsələlərlə bağlı müraciətlərinə baxılıb.
Agentliyin balansında olan avtomobil yolları ilə bağlı araşdırılaraq zəruri tədbirlərin görülməsi barədə aidiyyəti struktur bölmələrinin rəhbərlərinə tapşırıqlar verilib. Balansda olmayan şəhər, qəsəbə və kənddaxili küçə və yollarla bağlı isə vətəndaşlara yerli icra hakimiyyəti və bələdiyyələrə müraciət etmələri tövsiyə olunub.
