Argentina Respublikasının ölkəmizdəki fövqəladə və səlahiyyətli səfiri Marianxeles Belluşi Quba rayonuna səfər edib. Bu haqda ShimalNews 15 may tarixində məlumat verir.
Xanım M.Belluşini onun müavini Viktor Marzari, səfirliyin İqtisadi və ticarət şöbəsinin rəhbəri konsul Leanardo Verteramo və şöbənin əməkdaşı Ülkər Həsənova müşayiət ediblər. Qonaqlarla icra hakimiyyətində görüş keçirilib, sonra isə qonaqlar “ABAD Factory” istehsalat kompleksi, “Azərxalça” ASC-nin Quba filialı, dağ yəhudilərinin kompakt şəkildə məskunlaşdığı Qırmızı Qəsəbə, buradakı sinaqoqlar, Dağ Yəhudilərinin Muzeyi ilə tanış olub, icma üzvləri ilə görüşüb, rayonun Alekseyevka kəndində nümunəvi bağ sahəsi ilə tanış olublar.
Səfirlik nümayəndələri ölkəmizdə, eləcə də rayonumuzdakı tolerant mühitdən, ölkələrimiz arasında müxtəlif sahələrdəki ikitərəfli əməkdaşlıqdan öz məmnunluqlarını bildiriblər.
