Aprelin 20-də ümumi orta təhsil səviyyəsi üzrə buraxılış imtahanı keçiriləcək.
Shimal.News xəbər verir ki, bu barədə Dövlət İmtahan Mərkəzi məlumat yayıb.
İmtahan Quba, Xaçmaz, Şamaxı, Qəbələ, Oğuz, Beyləqan, Füzuli, Zəngilan, Cəbrayıl, Göyçay, Ucar, Qobustan, Sabirabad, Neftçala, Hacıqabul, Masallı, Gədəbəy, Cəlilabad (I zona), Bakı şəhəri Xəzər (I zona), Sabunçu (I zona), Yasamal, Binəqədi rayonlarında, Sumqayıt (I zona), Gəncə (II zona), Mingəçevir, Lənkəran (II zona) şəhərlərində, Abşeron (I zona), Daşkəsən, Şəmkir (I zona) rayonlarında yerləşən ümumtəhsil müəssisələrinin məzunları üçün nəzərdə tutulub.
Buraxılış imtahanında iştirak edəcək şagirdlər bu linkdən istifadə etməklə özlərinin imtahana buraxılış vərəqəsini, təhsil müəssisələri isə bütün şagirdlərin imtahana buraxılış vərəqələrini çap edə bilərlər.
Şagirdlər iş nömrəsini bu linkdən öyrənə bilərlər.
Buraxılış vərəqəsini çap etmək üçün kompüterə Adobe Reader proqramı quraşdırılmalıdır və brauzerin “Pop-up blocked” sahəsindən qeyd işarəsi götürülməlidir. Şəxsiyyəti təsdiq edən sənədində şəkli olmayan şagirdlər buraxılış imtahanı üçün təhsil müəssisəsi tərəfindən verilməli olan arayışı DİM-in saytından yükləyə bilərlər.
