Əmlak Məsələləri Dövlət Xidmətinin tabeliyində “Daşınmaz Əmlakın Dövlət Kadastrı və Reyestri” publik hüquqi şəxsin İdarə Heyətinin sədri Nigar Alimova vətəndaşların qəbulunu keçirəcək. Bu barədə ShimalNews 27 iyul tarixində xəbər verir.
Tədbir iyulun 28-i saat 12:00-dan etibarən Qəbələ Mədəniyyət Mərkəzində təşkil olunacaq. Burada İsmayıllı, Oğuz və Qəbələ rayonlarından olan vətəndaşlar iştirak edəcəklər. Onlar daşınmaz əmlakın qeydiyyatı, kadastrı və aidiyyəti üzrə digər məsələlərlə bağlı müraciət edə bilərlər.
Qəbulda iştirak etmək istəyənlər (012) 510 93 33 və 055 465 23 68 nömrəli telefonlarla və ya [email protected] elektron ünvanı vasitəsilə, həmçinin qurumun Qəbələ Ərazi İdarəsinə (telefon: 055 453 78 67, elektron ünvan: [email protected]) 26 iyul saat 18:00-dək müraciət etməklə qeydiyyatdan keçə bilərlər.
