Hadisə Bakının Suraxanı rayonunda ailənin yaşadığı evdə baş verib. Tahir Sona ilə mübahisə edib, əsassız bəhanələrlə onu əxlaqsız adlandırıb. Sonra müxtəlif dərəcəli xəsarətlər yetirməklə qadına əzab verib. Növbəti gündə də hərəkətlərinə davam edib. O, müxtəlif zamanlarda arvadını başqa kişilərlə intim münasibətdə olduğunu və guya otelə getdiyini deyərək döyüb.

İstintaq orqanı tərəfindən Tahir tutularaq məsuliyyətə cəlb olunub. Tahir ittiham hadisədə özünü təqsirli bilməyib:

“Onun telefonuna baxanda “İnstagram”dan Ruslan adlı şəxsin mesaj yazdığını gördüm. Bu barədə soruşanda Sona kişini tanımadığını dedi. Bu sözlərə inanmadım, öz “İnstagram” hesabımdan yazaraq mobil nömrəmi ona verdim. Hadisədən təxminən 10 gün sonra həmin adam mənimlə əlaqə saxladı, Sona ilə danışdığını, yazışmaların olduğunu bildirdi. Hətta yazışmaların fotoşəkilini də göndərdi. Mən də çox əsəbləşdim. Özümü saxlaya bilməyib döyməyə başladım”, – deyə təqsirləndirilən bildirib.

Bir neçə gün sonra Sona həkimə gedib-gəldikdən sonra qayınanası onu (vedrə və laminatla) döyüb. Tahirin ifadəsinə görə, Sonaya uşaqlardan imtina etməsi, özünün əxlaqsız olması barədə ərizə yazdırıb.

Sonanın məhkəmədəki ifadəsinə görə, əri onun çılpaq vəziyyətdə şəkil çəkib ona göndərməyini istəyib. O, buna imtina edib və aralarında mübahisə zəminində dava düşüb. Daha sonra cinsi münasibətdə olan zaman Tahir bunu videoya çəkib.

Zərərçəkmiş qeyd edib ki, əri onu əxlaqsız adlandırıb, kişilərlə hotelə getməyə məcbur edib. Ardınca məcburi qaydada “mən əxlaqsızam, pul müqabilində görüşürəm” kimi sözlər dedizdirərək səsini yazıb.

Suraxanı Rayon Məhkəməsində keçirilən iclasdan Tahir 2 il müddətinə azadlıqdan məhrum edilib.