Rusiya işləmək üçün yollanan Şəki sakini Cabir Quliyev 9 ay sonra geri qayıtdıqdan sonra arvadı Zəminə Quliyevanı (ad-soyadlar şərtidir) döyərək ona xəsarətlər yetirib.
Teleqraf.az-ın məlumatına görə, buna səbəb arvadının ona xəyanət etməsi olub.
Xəyanətin üstü isə Şəki Rayon Prokurorluğundan gələn zəng nəticəsində açılıb.
Belə ki, Rayon Prokurorluğundan ona zəng edilərək arvadının qanaxma ilə Rayon Mərkəzi Xəstəxanasına gətirildiyi, hamilə qaldığı, üç aylıq uşağın isə tələf olduğunu bildiriblər.
Bundan sonra Cabir həyat yoldaşının ona xəyanət etdiyini başa düşüb və ondan boşanmaq qərarına gəlib.
Cütlük boşanma ilə bağlı Şəki 1 saylı Mediasiya Təşkilatına dəvət olunublar. Orada Cabir boşanmağı xəyanətlə əlaqələndirib, arvadı isə bunu inkar etməyib. O, Rəsul adlı şəxslə münasibətdə olduğunu, buna görə hamilə qaldığını etiraf edib.
Bu etirafdan sonra Cabir əsəbiləşərək Zəminənin üzərinə hücum çəkib, ona yumruq zərbələri endirib. Bundan sonra qadın döyülməsi ilə bağlı polisə şikayət edib.
Məhkəmənin hökmünə əsasən, Cabir Quliyev 9 ay müddətinə azadlıqdan məhrum edilib.
