Qusarda Şövkət Orduxanovun adını daşıyan stadionda təmir-bərpa işlərinə başlanılıb. Bu barədə ShimalNews 22 avqust tarixində Bizim.Media-ya istinadən məlumat verir.
"Azenko" şirkəti 6 il fasilədən sonra idman məkanında bərpa işlərinə start verib. Rayon gənclər və idman idarəsinin rəisi Emil Əmirmətov bildirib ki, hazırda torpaq işləri görülür. İlk növbədə futbol meydançası hazırlanır. Daha sonra isə tribunanın və digər tikililərin inşasına başlanılacaq.
Adıçəkilən stadion 1962-ci ildə inşa edilmişdir. 1999-cu ildə isə "Şahdağ" futbol klubuna 99 il müddətinə icarəyə verilib.
