Qusar rayonunda kənd təsərrüfatının inkişafı üçün 68 layihə üzrə 78 milyon 370 min manat investisiya qoyulması nəzərdə tutulub.
Shimal.News xəbər verir ki, investisiya planına bağçılıq, meyvəçilik, heyvandarlıq və soyuducu anbarların yaradılması daxildir.
Qusar Rayon İcra Hakimiyyətində "Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı"nın rayon üzrə icrasının təmin edilməsi məqsədilə yaradılmış Qərargahın növbəti iclası keçirilib.
İclasda fermer və sahibkarların əsas problemləri də müzakirə olunub. Elektrik təchizatı, suvarma, kreditlərə çıxış, torpaq məsələləri, ixrac imkanları və ixtisaslı kadr çatışmazlığı diqqətə çatdırılıb.
Müşavirədən sonra rayon rəhbərliyi və aidiyyəti qurumların nümayəndələri bağçılıq, meyvəçilik və heyvandarlıq təsərrüfatlarına, eləcə də soyuducu anbar komplekslərinə baxış keçiriblər.
Qeyd edək ki, layihələr 2026–2030-cu illər üzrə Dövlət Proqramının Qusarda icrası çərçivəsində nəzərdə tutulub.![]()
![]()
![]()
![]()