Bakı-Şamaxı-Yevlax avtomobil yolunun Qobustan rayonundan keçən hissəsinin yaxınlığında top mərmisi aşkarlanıb.
Shimal.News xəbər verir ki, aşkar edilən 100 mm-lik top mərmisi FHN əməkdaşları tərəfindən ərazidən götürülüb.
Fövqəladə Hallar Nazirliyi (FHN) məlumat yayıb ki, hadisə yerinə Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu cəlb edilib.
Hüquq-mühafizə orqanlarının əməkdaşları ilə birgə ərazidə təhlükəsizlik tədbirləri görüldükdən sonra baxış zamanı 1 ədəd 100 mm-lik OF-412 top mərmisinin olduğu müəyyənləşdirilib.
Sursat zərərsizləşdirilməsi üçün mütəxəssislər tərəfindən ərazidən götürülərək kənarlaşdırılıb. Əlavə axtarış zamanı ərazidə və yaxınlıqda başqa təhlükəli və ya şübhəli əşya aşkarlanmayıb.