Köhnə Timiryazevin sakinləri Shimal.News-a bildiriblər ki, çörək sexinin qarşısında yerləşən suvarma kanalına lazımi diqqət göstərilmir.
Onların sözlərinə görə, məsələ ilə bağlı dəfələrlə Suvarma İdarəsinə müraciət olunsa da, nəticə olmayıb. Vətəndaşlar ərazini öz vəsaitləri hesabına təmizlətdiklərini deyirlər.
Üstəlik yol kənarında qoruyucu səddin olmaması səbəbindən indiyədək 2 avtomobil kanala düşüb.
Bundan başqa, yağış yağarkən kanalın yaxınlığındakı evləri su basır. Bu vəziyyət ətraf sakinlərin narazılığına səbəb olur.
Qeyd edək ki, sözügedən kanal ətrafdakı böyük bağların suvarılması üçün istifadə edilir. Sakinlər aidiyyəti qurumlardan kanalın mütəmadi təmizlənməsini və ətrafında təhlükəsizlik səddinin qurulmasını istəyirlər.