Atıcılıq üzrə İsmayıllı rayon turniri keçirilib. Bu haqda ShimalNews 23 aprel tarixində məlumat verir.
Vətən müharibəsi şəhidi Səməd Hüseynzadənin xatirəsinə həsr olunmuş tədbir 3 nömrəli məktəb-liseydə baş tutub. Mükafatçı komandalar:
Aqil Məmmədov adına Diyallı kənd tam orta məktəbi – 1-ci yer;
İsmayıllı şəhər 5 nömrəli tam orta məktəbi – 2-ci yer;
Heydər Əliyev adına İvanovka kənd tam orta məktəbi – 3-cü yer;
Musa Piriyev adına Tircan kənd tam orta məktəbi – 3-cü yer.
Qaliblər Dağlıq Şirvan Regional Gənclər və İdman İdarəsi tərəfindən kubok və diplomlarla mükafatlandırılıblar.
Şəhid Səməd Hüseynzadə ölümündən sonra "Vətən uğrunda", "İgidliyə görə", "Suqovuşanın azad olunmasına görə", "Xocavəndin azad olunmasına görə" və "Ağdamın azad olunmasına görə" medalları ilə təltif olunub.
