Zaqatala rayonunda xurma istehsalı ilə məşğul olan sexdə yanğın qeydə alınıb.
Shimal.News xəbər verir ki, hadisə Muxax kəndində, Vidadi Qusubova məxsus müəssisədə baş verib.
Yanğın nəticəsində sexin yanar konstruksiyaları və istehsal sahəsində olan xurmanın böyük hissəsi yanaraq yararsız hala düşüb.
Əraziyə Zaqatala Dövlət Yanğından Mühafizə Hissəsinin yanğınsöndürən texnikaları və şəxsi heyəti cəlb olunub. Görülən tədbirlər nəticəsində yanğının ətraf ərazilərə yayılmasının qarşısı alınıb.
Hadisə zamanı xəsarət alan olmayıb.
