Talaçaydan keçən sel Yuxarı Talada ciddi fəsadlar törədib.
Shimal.News-a danışan sakinlərin sözlərinə görə, sel nəticəsində Yuxarı Talanın Qırğıllı adlanan ərazisində təxminən 50 metr uzunluğunda sahil mühafizə bəndi dağılıb. Bundan başqa, kəndi Meşleş kəndi ilə birləşdirən əsas körpüyə gedən yolu su basdığı üçün nəqliyyatın hərəkəti çətinləşib.
Bildirilib ki, sel suları Yuxarı Tala və Aşağı Tala kəndlərini içməli su ilə təmin edən, çayın yatağından keçən su xətlərinə də ciddi ziyan vurub. Boruların bir hissəsi sel suları tərəfindən yuyularaq aparılıb.
