Zaqatala rayonunun Qazangül qəsəbəsində yerləşən "Hope Lake" ailəvi istirahət mərkəzində yanğın baş verib.
Hadisə martın 26-dan 27-nə keçən gecə qeydə alınıb.
Belə ki, ümumi sahəsi 100 kvadratmetrdən çox olan mətbəx binasında baş verən yanğının genişlənərək yaxınlıqdakı kotteclərə və digər tikililərə keçməsinin qarşısı vaxtında alınıb.
Hadisə yerinə Zaqatala Dövlət Yanğından Mühafizə Hissəsinin texnikası və şəxsi heyəti cəlb olunub.
Yanğın nəticəsində mətbəx binasının yanar konstruksiyaları və içərisindəki əşyalar yanıb.
Hadisə zamanı xəsarət alan olmayıb.
Faktla bağlı araşdırma aparılır.
